Fortsatt ingen baby

I dag er det to dagar sidan termin, og det er fortsatt ingen tegn til fødsel her i Bjørkavågen. Eg er i fin form fortsatt so det går bra å vente, men vi gler oss veldig til å få treffe lille-gullet i magen. Ingrid og Henrik er begynt å rope til magen at han må kome ut, men det virka desverre ikkje. Vi må berre smørje oss med tolmod, han/ho kjem når han/ho er klar :)

Ingrid hadde rosa-fest her forrige fredag. Då henta eg fem jenter i barnehagen klokka to, og so hadde vi pølser med brød, pita-pizza, muffins, melon og is før jentene fikk leike seg både inne og ute. Det var stoooor stas :)

I helga var her faktisk litt fint ver. Naboen tok fram vannspredaren slik at ungane i gata fekk kjølt seg ned litt. Veit ikkje om det var so varmt at det var nødvendig, men ungane syns vertfall at det var veldig kjekt.

Ingrid og to nabojenter har styra voldsomt med dukker og vogner heile helga. Passa fint slik at eg fikk slikke sol :)

Gikk no til innkjøp av ny vogn i helga og. Britax B-smart. Sånn går det når en går over termin :)

Ha ei fin veke!!:)

Eg vil ha meir sol!!

Etter at eg gikk ut i permisjon har det kun vore dårlig ver :( Var so flott tidlig i mai, men no er det berre regn og enda meir regn. Kjedelig! Eg hadde ein draum om å ligge strak ut i solstolen til babyen meldte sin ankomst. I staden er det blitt rolige dagar inne med vasking av babykle, dyner, tepper og klutar. I tillegg har eg hekla babyteppe med bestemorruter. Eg har aldri hekla før, men blei inspirert av ein blogg med videoinstruksjon. Blei ikkje so verst til slutt. 70 lappar har eg faktisk hekla, tru det eller ei. No har Ingrid komt med bestilling på eit akkurat same teppe, men det spørs om eg gidde.....  Må hekle på ein kant på ditte teppet fyrst vertfall.

Litt kjedelige fargar kanskje, men det er ikkje så lett når ein ikkje veit kva kjønn det er på gullet som ligg å ventar i magen.

Ellers so hadde vi ei helg heilt utan planar. Vi har gjort litt forskjellig likevel :) Fredag kom Stine, Ottar Inge og Maja på middag, og laurdag kom Åshild og Trym. I tillegg hadde Ingrid besøk av nokre venninner. Søndag var vi på Sundsmyra å leika. Ingrid var både der og på Leirvågsfjellet med barnehagen denne veka, og hadde veldig lyst opp igjen. Fjellturen tar vi igjen, men leika, det gjorde vi.

På ettermiddagen var vi å bada i Røde Kors bassenget med 33 grader! Vi leigde det ilag med Stine, Ottar Inge og Åshild. Heilt ypperlig!!:) Alle storkosa seg!! Heime venta sjokoladekaka eg baka før vi reiste, nam nam!!;)
Ha ei fin-fin veke! Det skal eg. Legen sa på fredag at det ikkje blir fødsel fyrste veka, so her er det berre å slappe av og avvente.....

Hipp hurra for 17.mai!!

No skin sola her i Bjørkavågen, men det har ho slett ikkje gjort i heile dag. Det var en heller våt fornøyelse å gå i tog og vere oppe på skulen. Etter ein liten tur på skulen reiste vi til Randi og Rune på grilling og kakeeting. Veldig koselig!:) Men- 17.mai er kjekkast når det er fint ver!!

Kos i saudefjøsen

Laurdag tok vi en spontantur i Honndalen. Vi er begynt å innsjå at fødselen nærmar seg, og fann ut at det kunne vere på tide å hente opp vogna og bilstolen. I tillegg blei vi invitert inn på hytta til Ole Theodor og Ingvild i Stryn, so var grett å ta to fluer i en smekk :)

I Honndalen var der komt søte små lam, og to av dei måtte matast med tåteflaske- til ungane si store glede.

Det har vore dårlig med blogging i det siste, eg skal skjerpe meg! No er permisjonen begynt og eg kan ta det litt roligare. Følte den kom akkurat i tide. Er fortsatt i bra form, men blir fort sliten i ryggen og då er det godt å kunne legge seg strak ut....

Påskeferie del 2

Det blei hyttetur på oss torsdag likevel. Heile familien var samla til ribbe-middag fyrst, og so gjekk vi på ski på hytta etterpå. Veret var heller surt, det regna, men heldigvis var temperaturen ok. På hytta var det 90 cm snø, so der var rikelig for å seie det sånn. Ungane fekk vere oppe og leike seg til klokka var halv ti, og etter dei kom i seng spelte vi vaksne kort og åt godteri. Koselig! Det var mykje folk i hyttene rundt, men vi holdt oss berre heime i vår hytte.

 
Fredagen var det strålande sol frå morgon til kveld. Nydelig dag i fjellheimen rett og slett!

Laurdag hadde fekk eg/vi besøk av tre av barndomsveninnene mine med familiar; Anne Marte, Helga Renate og Unni. Kjekt at ein får til å treffast inn i mellom :)

I dag søndag reiste vi frå Honndalen etter frokost. Det er alltid deilig å kome heim igjen, likevel om vi har storkosa oss på påskeferie. Vi fekk raka plen og ordna litt ute før vi reiste på grilling med Karl Idar og Nina. Der var vi til det var leggetid for ungane. Må begynne å få dei på rett leggetid igjen etter ferien. Snart er det tilbake til den harde kvardag igjen.

Må få kome med eit sitat frå Ingrid i dag: "Du mamma e brunast, og han pappa e slankast!" Jaja, sånn er livet, hehe!

Håper alle har hatt ei like flott påske som vi har :)

Påskeferie del 1

Endelig påskeferie! Deilig å skulle ha fri ei veke og slappe av og nyte livet :) Ferien starta med besøk av Elisabeth, Stein og Mathilde på fredag. Dei var med oss til søndag. Laurdag var Ingrid i 5 årsdag på leikeland til ei venninne, etter selskapet var ferdig inntok resten av gjengen leikeland, og vi var der i fleire timar til ungane si store glede. Det er veldig lenge sia vi var der sist.

Då gjengen reiste på søndag pakka vi i bilen og reiste til Fiskå. Der hadde vi fine dagar med familien til Geir. Ungane styrte på i fjøsen og var med å henta både høy og grus. Dei var også mykje ilag med søskenbarnet sitt Mathilde. Ein dag dei var ute å leika fann ho fram hageslangen deira og satte på og spylte både Ingrid og Henrik. En morsom ide, men det blei hyl og skrik etter kalddusjen og vi måtte gå nedigjen til farmora for å skifte på dei tørre kle. Det er forskjellige morsomme idear dissa små har :)

Vi var også innom brannstasjonen, for onkel Per er brannmann. Det blei tur med brannbilen og prøving av brannmannhjelm og anna. Henrik som elskar alt som har med brannmenn/brannstasjon å gjere var i himmelen :)

Onsdag gikk turen vidare til Honndalen. Geir, Ingrid og pappa gikk på ski på hytta, medan Henrik, eg og mamma var igjen nede. Eg slappa av inne medan mamma og Henrik styrte på ute. Eg har hatt nokre veldig rolige feriedagar, deilig!:) Magen vekse og no er eg i veke 34, kun 6 veker igjen til termin.

I dag skulle vi egentlig gå på hytta for å overnatte, men sidan det regnar i dag og er meldt strålande sol i morgon trur eg vi drøya det til i morgon med å reise opp. Er kjekkare å vere der oppe i solskinn.... Det blir i staden litt besøk hit og dit i dag. Mamma snakka om å lage ribbe (pinnekjøt) til middag og i dag, og det kan vi like :)

Vennekveld og skidag på Strandafjellet

Laurdagskveld hadde vi besøk av Stine, Ottar Inge, Maja, Åshild, Ole Ivar, Trym, Bjørn Ove og Ida. Vi må nytte høve til å invitere og ha folk på besøk no før babyen kjem og gjerne snur opp ned på ting her i heimen :) Det var verfall veldig koselig!!

Søndag hadde jobben til Geir familiedag på Strandafjellet. Sidan det kun er Geir som er småbarnsfar på avdelinga var det kun vi som gjekk på langrenn. Veret var herlig med 9 plussgrader og delvis sol. Er so deilig no når vårfølelsen virkelig gjer sitt inntog. Herlig å kunne sleppe å ha ull på ungane og pakke dei heilt inn kvar gong vi skal ut for døra. Ungane har litt problem med å skjønne at det er leggetid når sola fortsatt skine, og klokka blir gjerne nærmare åtte før dei er i seng.

Eg jobbar fortsatt fullt, og det går greit. Søve litt dårligare på natta no, og må vel innrømme at eg gler meg til permisjonen starta 13.mai. Blir vertfall godt med påskeferie. Då skal vi vere litt her, nokre dagar i H.dalen og nokre daga på Fiskå.

Både Ingrid og Henrik syns det var kjempestas at Maja, Ottar Inge og Stine overnatta. Maja blei kosa med opp og ned føre :)